Maalaisudar
Advertisements


 
 
 
 
 
 
 




.
கலக்கலாக இருக்கும் "கந்தசாமி'
 
.
Sunday, 16 August, 2009 12:22 PM
.
 மெகா பட்ஜெட் படமான கந்தசாமி விரைவில் திரைக்கு வர உள்ள நிலையில், படத்தின் நாயகன் விக்ரம் இந்தபடம் ஹாலிவுட் ரேஞ்சுக்கு அசத்தலாகஇருக்கும் என்று உற்சாகமாக கூறுகிறார்.  "கந்தசாமி' அனுபவம் பற்றியும், அடுத்து வரும் படங்கள் பற்றியும் விக்ரம் கூறுவதாவது: கலைப்புலி தாணுவின் தயாரிப்பில் சுசிகணேசன் இயக்கிய இந்த படம் உண்மையிலேயே பிரம்மாண்டமாக வந்திருக்கிறது. படத்தில் காஸ்டியூம், அதிரடி சாகசங்கள் எல்லாமே மிகவும் வித்தியாசமாக அமைந்திருக்கிறது. மெக்ஸ்சிகோ, இத்தாலி என வெளிநாடுகளிலும் படப்பிடிப்பு நடத்தி வந்திருக்கிறோம்.
.
நடுவே பீமா படத்திற்காக குண்டான நான் இந்த படத்திற்காக 15 கிலோ எடை குறைத்தேன். எனது நடை, அங்கஅசைவுகள், பேச்சு என எல்லாவற்றிலுமே மாறுதலான ஸ்டைல் இருக்கும். படத்தில் கோட், கண்ணை மறைக்கும் கூலிங்கிளாஸ் என கலக்கலாக வருகிறேன். ஒவ்வொரு காட்சிக்கும் கவனமாக உழைத்திருக்கும். கமர்ஷியல் படமாக இருந்தாலும் நல்ல கதையை கொண்டிருக்கிறது. அனைவரும் பார்க்கக் கூடிய படமாக கந்தசாமி இருக்கும்.

இதே போல ராவணன் படத்தில் மணிரத்னத்தோடு பணியாற்றியது அருமையான அனுபவம். அபிஷேக் பச்சன் மற்றும் ஐஸ்வர்யாவோடு இணைந்து நடித்தது புதிய விஷயங்களை கற்றுத்தந்துள்ளது. இவ்வாறு கூறும் விக்ரமுக்கு பாலிவுட் பக்கம் போவதில் ஆர்வம் இல்லையாம். ஆனால் ராகேஷ் ஓம்பிரகாஷ் மெகரா மற்றும் பன்சாலி ஆகியோர் படங்களில் நடிக்க ஆசையாம்.

தயாரிப்பாளராகவும் மாறியிருக்கும் விக்ரம், அடுத்ததாக செல்வராகவன் படத்தில் வித்தியாசமான பாத்திரத்தில் நடிக்க இருக்கிறாராம். இந்த படம் துவங்குவதற்காக ஆர்வத்தோடு காத்திருக்கிறாராம் விக்ரம்.
| |

மற்றவை :