படத்தின் இயக்குனரான ஸெல்வன், ஷங்கரின் உதவியாளராக இருந்தவர். இந்த படம் பற்றி உற்சாகமாக பேசுகிறார்.
கிருஷ்ண லீலை என்று பெயர் வைத்திருப்பதால் இது காதல் படம் இல்லை.பெயரை பார்த்து விட்டு மன்மத லீலையின் ரீமேக்கா என்றெல்லாம் கேட்கிறார்கள்.

பகவான் கிருஷ்ணன் அதர்மத்தை அழிக்க அவதாரம் எடுத்தவர்.அது போல கிராமத்திலிருந்து எம்பிஏ படித்து வாழ்க்கையில் முன்னேற துடிக்கும் இளைஞன் சமூகத்தின் அவலங்களை கண்டு பொங்கியெழுவதை இந்தப் படத்தில் சொல்லியிருக்கிறேன்.

இந்தப் படத்தின் கதையை பலரிடம் சொல்லி யாரும் தயாரிக்க முன்வரவில்லை. அப்போது பாலசந்தர் மற்றும் புஷ்பா கந்தசாமி கதையை கேட்டு வாய்ப்பளித்தனர்.

இதுவரை நெகட்டிவ் ரோல்களில் நடித்து வந்துள்ள ஜீவன் இதில் முற்றிலும் மாறுபட்ட வேடத்தில் நடித்திருக்கிறார். அவருக்கு ஜோடியாக மேக்னா புதுமுகம் நடித்திருக்கிறார். சமூக அக்கறையோடு எடுக்கப் பட்டுள்ள படம் இது. இவ்வாறு அவர் உற்சாகமாக கூறுகிறார்.