Maalaisudar
Advertisements


 
 
 
 
 
 
 




.
மிட்டாய் மீது நம்பிக்கை
 
.
Sunday, 19 July, 2009 10:51 AM
.
 காதல் செய்ய விரும்பு உள்ளிட்ட படங்களில் நடித்துள்ள இளம் நாயகன் சந்தோஷ், தற்போது நடித்து வரும் மிட்டாய் படத்தின் மீது மிகுந்த நம்பிக்கை வைத்திருக்கிறார். நட்பா, காதலா இரண்டில் எது இனிப்பானது எனும் கேள்விக்கு விடையாக அமையும் இந்த படம் தனக்கு நல்ல பெயர் வாங்கி தரும் என்று அவர் எதிர்பார்ப்போடு இருக்கிறார்.
.
படத்தின் பெரும்பாலான காட்சிகள் முடிவடைந்து ஒரு பாடல் காட்சியை மட்டும் மிகவும் கவனத்தோடு படமாக்கி வருகின்றனராம். சிறுவர்கள் மத்தியில் பிரபலமாக உள்ள டோரா கார்ட்டூன் சித்திரத்தை மையமாக கொண்டு கிராபிக்ஸ் முறையில் இந்த பாடல் உருவாகிறதாம்.

பாரதிராஜாவிடம் உதவியாளராக இருந்த அன்பு இயக்கும் இந்த படத்தில் கடலோர கவிதைகள் படத்தில் இடம் பெற்ற அடி ஆத்தாடி பாடல் ரீமிக்ஸ் செய்யப்பட்டுள்ளது. குருநாதரின் படத்தில் இடம் பெற்ற இசைஞானியின் பாட்டு என்பதால் மிகுந்த கவனத்தோடு அன்பு படமாக்கி இருக்கிறாராம்.

கிட்டத்தட்ட 15 நாட்கள் இந்த பாடலுக்காக உழைத்ததாக சந்தோஷ் கூறுகிறார். இந்த ஒரு பாடலுக்காக மட்டும் 100 உடைகள் மாற்றி இருக்கின்றனராம். இந்த படத்தில் கேரளாவை சேர்ந்த உன்னிமாயா ஜோடியாக நடித்திருக்கிறார்.

இந்த படத்தை அடுத்து சந்தோஷ், அகமறிய ஆவல் படத்தில் நடித்துக் கொண்டிருக்கிறார். இதனை தொடர்ந்து ‘ஐம்பத்துக்கும் ஆசை வரும்’ மற்றும் முழுக்க முழுக்க லண்டனிலேயே படமாக உள்ள ‘காதலே என்னை காதலி’ படங்களில் நடிக்க உள்ளாராம்.

இந்த படத்திற்காக தாடி வளர்த்து கொண்டிருக்கும் சந்தோஷ், இதற்கு முன்னர் இளைஞர்களை கவரும் வகையிலான படங்களில் நடித்து வந்ததாகவும் இனி அனைத்து தரப்பினரும் ரசிக்கும் படங்களில் நடித்து தன்னை நிலைநிறுத்திக் கொள்ள விரும்புவதாக கூறுகிறார்.
| |

மற்றவை :