சிலம்பாட்டம் படத்தில் அறிமுகமான சனாகான் மற்றும் புதுமுகம் மடால்ஷா ஆகிய இருவரும் நாயகிகளாக நடிக்கின்றனர்.
இவர்களோடு முக்கிய வேடத்தில் பிரபு மற்றும் ரஞ்சித் நடிக்கின்றனர். இந்த படத்திற்காக சிங்கப்பூரில் ஷýட்டிங் நடத்திய அனுபவம் மிகவும் வித்தியாசமானது என்கிறார் இயக்குனர் பத்ரி.

சிங்கப்பூர் விமான நிலையத்தில் இதுவரை அனுமதி தரப்படாத டெர்மினல் பகுதியில் சிறப்பு அனுமதி பெற்று படப்பிடிப்பு நடத்தி இருக்கின்றனர். படப்பிடிப்பு குழு பற்றிய விவரங்கள் மற்றும் படத்தின் ஸ்கிரிப்டை கொடுத்து அனுமதி பெற்றிருக்கின்றனர். அதன் பிறகே அனுமதி கிடைத்திருக்கிறது.

படப்பிடிப்பு நடந்து கொண்டிருந்த போது சுற்றிலும் போலீஸ் பாதுகாப்பு போடப்பட்டிருந்தது. பாதுகாப்பு தங்களுக்குத்தான் என இயக்குனர் நினைத்துக் கொண்டிருக்க உண்மையில் விமான நிலையத்திற்கு எந்தவித பிரச்சனையும் வந்து விடக் கூடாது என்பதற்காக கண்காணிப்ப தற்காக பாதுகாப்பை ஏற்பாடு செய்திருந்தனராம்.

எப்படியோ பாதுகாப்புக்கு நடுவில் அசத்தலான பாடல் காட்சி ஒன்றை படமாக்கி முடித்திருக்கின்றனர். தரண் இசையமைக்கும் இந்தப் படத்தில் கபிலன் பாடல்களை எழுதியுள்ளார்.