Maalaisudar
Advertisements


 
 
 
 
 
 
 




.
தமிழுக்கு வரும் தெலுங்கு நாயகன்
 
.
Sunday, 14 June, 2009 10:34 AM
.
 மலையாளம், தெலுங்கு மொழி களிலிருந்து தமிழுக்கு நாயகிகள் அறிமுகம் ஆவது போல் இப்போது கோலிவுட்டிற்கு ஆந்திராவிலிருந்து ஒரு நாயகன் வந்திருக்கிறார். பிளஸ்ஸிங் என்டர்டெய்னர்ஸ் பட நிறுவனம் சார்பில் பிரபாதீஷ் சாமுவேல் தயாரிக்கும் "அறியான்' எனும் படத்தில் ஆந்திராவை சேர்ந்த சந்தோஷ் பவன் நாயகனாக அறிமுகமாகிறார்.
.
தமிழுக்கு புதுமுகமே தவிர தெலுங்கில் 4 படங்களில் இவர் நாயகனாக நடித்திருக்கிறார். இவருக்கு ஜோடியாக ராகினி திவேதி எனும் புதுமுகம் அறிமுகமாகிறார். பெங்களூரை சேர்ந்த ராகினி மிஸ் இந்தியா அழகிப் போட்டியில் மூன்றாம் இடத்தைப் பிடித்தவர் என்பது குறிப்பிடத்தக்கது. கன்னட படங்களில் நடித்து வரும் இந்த கன்னடத்துக் கிளி இப்போது கோலிவுட்டிற்கு வந்திருக்கிறது.

பி.கார்த்திகேயன் எனும் புதுமுகம் இந்த படத்தை இயக்குகிறார். விளம்பர உலகில் பணியாற்றும் ஒரு இளைஞருக்கும், கல்லூரி மாணவிக்கும் ஏற்படும் காதல்தான் படத்தின் மையக்கருவாம்.

ஒரு கட்டத்தில் காதலே பிரச்சனை யாக நாயகன் வாழ்வில் ஏற்படும் சிக்கல்கள் படத்தில் சுவையாக சொல்லப்பட்டிருக்கிறதாம்.
ஆஸ்திரேலியாவில் உள்ள இசைக் கல்லூரியில் பயின்றவரான விக்ரம் வர்மன் இசையமைத்துள்ளார். யுகபாரதி பாடல்களை எழுதியுள்ளார். ஒளிப்பதிவு சாலை கண்ணன்.
| |

மற்றவை :