தேசத்தந்தையின் இரண்டாம் வருகை எனும் துணைத் தலைப்பு கொண்ட இந்த படத்தை ஏற்கனவே பெருந்தலைவரின் வாழ்க்கை வரலாற்றை காமராஜ் திரைப்படமாக எடுத்த ரமணா கம்யூனிகேஷன்ஸ் தயாரிக்கிறது. காந்தியை போல தோற்றம் கொண்ட கனகராஜ் இதில் மகாத்மாவாக நடித்துள்ளார். திரைப்பட கல்லூரி மாணவராக சுந்தர் அறிமுகமாகிறார்.

காந்தியின் சத்யாகிரகம் மற்றும் அஹிம்சை நிகழ்கால அரசியலில் ஏற்படுத்தும் மாற்றங்களை இந்த படம் சுவையாக விவரிக்கிறது. போர்பந்தர், சபர்மதி, இந்திய பாகிஸ்தான் எல்லை ஆகிய இடங்களில் எடுக்கப்பட்டு வரும் இந்த படத்தை பாலகிருஷ்ணன் எழுதி இயக்குகிறார். சுதந்திர தினத்தன்று அன்று திரைக்கு வருகிறார் இந்த மகாத்மா.