பதின் பருவத்தினரை எப்படி அணுகுவது என உணர்த்தும் பாத்திரத்தில் நதியா தனது திறமையையும், அனுபவத்தையும் வெளிப்படுத்தி உள்ளார். இதில் இவர் பள்ளி தாளாளர் பாத்திரத்தில் நடித்துள்ளார். பிள்ளைகளோடு சேர்ந்து கும்மாளம் அடிப்பதோடு அவர்களை புரிந்து கொள்ளவும் வழிவகுக்கிறார்.

திரைப்பட கல்லூரி மாணவரான ரோஹன் கிருஷ்ணா, இயக்குனர்கள் பிரியதர்ஷன் மற்றும் சந்தோஷ் சிவன் ஆகியோரிடம் உதவியாளராக பணியாற்றியவர். பரமபதம் எனும் குறும்படத்திற்காக விருது பெற்றவர். விஜய் டிவியில் ஒளிபரப்பாகும் ‘கனா காணும் காலங்கள்’ தொடர் மூலம் இவருக்கு திரை வாய்ப்பு தேடி வந்துள்ளது.

தனது மனைவியின் கதையையே படமாக்கி இருக்கிறார். பால்ய பருவத்தை இந்த படம் திரும்பி பார்க்க வைக்கும் என்று அவர் உற்சாகத்தோடு தெரிவிக்கிறார். வரும் 27-ல் திரைக்கு வருகிறது இந்த பட்டாளம்.