அடுக்குமாடி குடியிருப்பு பகுதி தீபாவளியை எதிர்நோக்கி கோலாகலமாக காத்திருக்கிறது. ஆனால் இன்சூரன்ஸ் அதிகாரியான மகாதேவன் வீடு மட்டும் சோகமாக இருக்கிறது. சில நாட்களுக்கு முன் அவர் காணாமல் போனதே காரணம். இதனிடையே மகாதேவன் மீண்டும் வருகை தர குடும்பதே மகிழ்ச்சியில் மூழ்கி விடுகிறது. அப்போது மர்மக் கும்பல் ஒன்று மகாதேவனை கடத்திக் கொண்டு போய் விடுகிறது.

இதனால் மகாதேவன் வீடு மீண்டும் அதிர்ச்சியில் உறைந்து விடுகிறது. இந்த காட்சி கே.கே.நகர் பகுதியில் படமாக்கப்பட்டது. மகாதேவனாக நாசரும், அவரது மனைவியாக சரண்யாவும் நடித்துள்ளனர். மகாதேவன் காணாமல் போனது ஏன்? அவனை கடத்தியது யார்? போன்ற கேள்விகளுக்கு படம் விடையளிக்கும். சென்னை, ஐதராபாத் ஆகிய நகரங்களில் படப்பிடிப்பு நடைபெற உள்ளது.

பாடல் காட்சிக்கு மலேசியா செல்ல உள்ளனர். டி.இமான் இசையமைக்க ஜே.ரவி தயாரிக்கும் படத்தை இளம் இயக்குனர் டி.மனோஹரன் இயக்குகிறார்.