This page was exported from மாலைச்சுடர் | தமிழ் தேசிய நாளிதழ் [ http://www.maalaisudar.com ]
Export date: Sun Sep 23 8:19:39 2018 / +0000 GMT

7 பேரை விடுவிக்க நாராயணசாமி எதிர்ப்பு


சென்னை,செப்.9:ராஜீவ் காந்தி கொலையில் தண்டனை பெற்று வரும் 7 பேரை விடுதலை செய்ய தமிழக அரசு முடிவு செய்துள்ளதற்கு புதுவை முதலமைச்சர் நாராயணசாமி எதிர்ப்பு தெரிவித்துள்ளார்.

இது தொடர்பாக சென்னை விமான நிலையத்தில் அவர் பேட்டி அளித்த பேட்டியில் கூறியதாவது:

வரலாறு காணாத வகையில் பெட்ரோல், டீசல் விலை உயர்ந்து இருக்கிறது. இதற்கு முக்கிய காரணம் மத்திய அரசின் தவறான பொருளாதார கொள்கைதான். பெட்ரோல், டீசல் விலை ஏறிக்கொண்டு இருப்பதற்கு மத்திய அரசு பதில் சொல்லியே ஆக வேண்டும். வருகின்ற பாராளுமன்ற தேர்தலில் நாட்டு மக்கள் பிஜேபிக்கும், நரேந்திர மோடிக்கும் நல்ல பாடத்தை தருவார்கள். கண்டிப்பாக மாற்றம் வரும்.

பெட்ரோல்- டீசல் விலை உயர்வை கண்டித்து நாடு முழுவதும் பந்த் போராட்டம் நடைப்பெற உள்ளது. இந்த போராட்டம் வெற்றிகரமாக அமையும். என்றார். மறைந்த பிரதமர் ராஜீவ்காந்தி கொலை குற்றவாளிகள் 7 பேருடைய விடுதலைக்கான சுப்ரீம் கோர்ட்டின் தீர்ப்பை எப்படி பார்க்கின்றீர்கள்? என நிருபர்கள் கேட்ட கேள்விக்கு “காங்கிரஸ் தொண்டன் என்ற முறையில் எனக்கு இதில் உடன்பாடு இல்லை? ஆனால், அதிக நாட்கள் குற்றவாளிகள் சிறையில் இருந்ததால் தமிழக அரசு அதுகுறித்து பரிசீலனை செய்வதில் தவறு இல்லை” என நாராயணசாமி பதிலளித்தார்.
Post date: 2018-09-09 09:36:00
Post date GMT: 2018-09-09 09:36:00
Post modified date: 2018-09-09 09:36:00
Post modified date GMT: 2018-09-09 09:36:00
Powered by [ Universal Post Manager ] plugin. HTML saving format developed by gVectors Team www.gVectors.com