Home » Flash News » தூத்துக்குடி விசாரணை: மேலும் 6 மாத அவகாசம்

தூத்துக்குடி விசாரணை: மேலும் 6 மாத அவகாசம்

சென்னை, செப்.7:துப்பாக்கிச்சூடு தொடர்பாக விசாரிக்க அமைக்கப்பட்ட அருணா ஜெகதீசன் ஆணையத்திற்கு மேலும் 6 மாத அவகாசத்தை வழங்குவதாக தமிழக அரசு தெரிவித்துள்ளது.

கடந்த மே மாதம் நடைபெற்ற தூத்துக்குடி ஸ்டெர்லைட் ஆலை எதிர்ப்புப் போராட்டத்தில் போலீசார் நடத்திய துப்பாக்கிச் சூட்டில் 13 பேர் உயிரிழந்தனர். இதனையடுத்து, மே 28ஆம் தேதி ஸ்டெர்லைட் ஆலையை நிரந்தரமாக மூட தமிழக அரசு உத்தரவிட்டது.

மேலும், இது குறித்து விசாரிக்க ஓய்வுபெற்ற நீதிபதி அருணா ஜெகதீசன் தலைமையில் ஒரு நபர் விசாரணை ஆணையத்தை அமைத்து தமிழக அரசு உத்தரவிட்டது. இந்த ஆணையம் 3 மாதங்களில் விசாரணையை முடிக்க அவகாசம் அளிக்கப்பட்டது.

கடந்த ஜூன் 4ஆம் தேதி இந்த ஆணையத்தின் விசாரணை தொடங்கியது. கடந்த செப்டம்பர் 4ஆம் தேதியுடன் 3 மாத அவகாசம் முடிந்துள்ளது. இந்நிலையில், அருணா ஜெகதீசன் ஆணையத்திற்கு மேலும் 6 மாதங்கள் அவகாசம் வழங்குவதாக தமிழக அரசு அறிவிப்பு வெளியிட்டுள்ளது.

         

Related Post

Leave a Reply

Your email address will not be published. Required fields are marked *

*
*